तुला हसताना पाहून
मला आनंद होणं,
तू उदास असतांना,
मन व्यथित होणं...

तुझी प्रत्येक गोष्ट
लक्षात ठेवण,
अगदी लहान लहान गोष्टींवरून,
तुझी आठवण काढण...

मनातले सगळे विचार
फक्त तुला सांगणं,
तू बोलत असतांना
तुझा भावपूर्ण चेहरा बघत राहणं...

कारण नसताना तुझ्याशी भांडण,
तू रागावली की,
“अग, हक्काच्या माणसाशीच भांडतो ना आपण...”
अशी समजूत घालणं...

तुला आवडेल ते करण्याची तयारी असणं,
स्वतः: इतकाच तुझ्यावर विश्वास असणं,
तू नेहमी खूश असावी
हेच एक स्वप्न असणं...
तुझ्याइतकंच ह्या स्वप्नाला जपणं...
खरंच, ह्यालाच तर प्रेम म्हणत नसतील ना ?