खरंच प्रेम असं असतं?
तुझी आठवण, तुझा भास,
प्रत्येक श्वासागणिक... फक्त तुझाच ध्यास...
आपली भेट होईलच हा विश्वास...
खरंच प्रेम असं असतं?
तू समोर असताना,
काहीच न बोलणं...
एकांतात मात्र, मनातल्या तुझ्याशी,
तास न तास गप्पा मारण...
खरंच प्रेम असं असतं?
हातात हात घेऊन...
प्रेमाच्या आणा-भाका घेणं...
एकमेकाचे व्यक्त - अव्यक्त विचार समजून घेणं,
स्वतः इतकाच तुझ्यावर विश्वास असणं...
खरंच प्रेम असं असतं?
निःस्वार्थ, निरपेक्ष प्रेम हे एक सुंदर स्वप्न असतं,
खरंच प्रेम असंच असतं...
स्वप्नातही ते एक सुंदर सत्य असतं...